Grup WA

Wiji nyebek. Wong iku nyekeli henpon karo ndelok kertas sing dicekel nang tangan kiwone.

"Masang nomer ta?"

Wiji sing lungguh sanding bojone iku ora nyauri. Wong wedok iku pancet umek menceti henpon. Diman sing penasaran nglirik kertas sing dicekel bojone.

"Nomere sopo iku sakmunu akehe?"

"Orang tua murid," saure Wijii.

"Dingge opo?"

"Yo disimpen."

"Nomere mak-mak e koncone Tomin?"

Wiji meneng, mung gundule manthuk. Nang sekolahane Tomin, pas mapak anake, Wiji ketemu wong tua murid TK sing nunggo anak-anake sekolah. Wong tua sing akeh-akeh wedok iku sepakat gawe grup WA. Wiji sing henpone dadi siji karo bojone, ora digowo pas mapak anake, akhire nyatet nang kertas.

"Onok sing ayu gak?"

"Apane?"