"Cukup. Telu ae yo cukup. Iku si Meri jare njupuk kredit ndok dealer anyar iku lho."
       "Sing pojokan kae?"
       "Ho oh, jare lagi promo. Jaman ngene, golek duwit podo angel, mobil diobrol. Murah-murah berarti yo?"
       "Yo gak sih, Lik. Wis onok regane, gak sukur diobrol. Rusak la'an regone ngko. Paling yo promo-promo ngunu, bonuse diakehi."
       "Lha lek gak murah kok iso tuku si Meri, wong sepedae wingi lak yo kaet anyar."
       "Gak ngerti aku, Lik. Lagi onok rejeki be'e. Yo sukur mobile anyar, suk lek dolen-dolen iso melu hehehe."
       "Lek aku yo emoh. Meri kae areke gak nyenengko kok, sombong. Tukang pamer kae, males aku."
       Wiji ora nyauri. Wong wedok iku mung mesem. Ora suwi Lik Mar pamit mulih, kate nerusno lek masak.
       "Pingin tuku mobil sisan ta?"
       Diman sing kaet mau nang jading tibake krungu opo sing diomongno Lik Mar karo bojone.
       "Disurung?"