Pagi-pagi bantu bapa hela bodi pigi ka laut
Seng ada duka dalam beta pung hidup, karena beta anak laut
Kepada generasi, jang mudah mengeluh-resah
Tuhan su kasi samua pung uang.
Segala teluk Seram dipenuhi sangkar-sangkar ikan
Ikan-ikan beramai-ramai maso dalam dadeso
Memang ikan itu bodoh. Tapi manusia pung pambodo bila seng mau bajual ikan.
Beta anak laut, tete onyang dolo-dolo jua pembahari
Tangkap ikan pake jareng, seng pastiu kata orang nanti kulit hitam
Tapi, beta anak laut, hitam manis, hati kayak sagu
Kepada generasi, ini masa-masa anak laut
Susah sanang katong badiri sama-sama
Agar karang dan rumah-rumah hiu seng tabongkar
Gara-gara bom sana-sini.
Beta anak laut, jang biking naga laut manangis
Penjaga laut kecewa deng bibir-bibir sandiwara
Jang sampe air laut tatumpa di daratan
Sampe pulau-pulau bagoyang porak-poranda
Beta anak laut, bacumbu deng lelamu-lelamu
Menari di bawah dasar laut
Tunggu saja akar tacabo dari pasir
Karena beta anak laut, setia deng takdir.
(Ditulis di atas KMP Ineleka Waipirit- Hunimua, 8.24 AM, 22/3/2017