Oleh: Rendra (TACB HSS & Pembina Dapur Budaya HSS)
Episode 1
Judul : Gubernur Madukara - Bupati Awangga.
Jadi ini mangisahakan kisah dari sebuah wilayah nang bangaran Kabupaten Tumaritis, Provinsi Madukara di Negara Kesatuan Kerajaan Indraprasta. Sebuah negara monarki parlementer yang hahanyaran diulah kurang labih 40 tahun, sesudah perang kemerdekaan Barathayuda. Jadi Negara Indraprasta ini baisi Raja hasil dari pemilihan parlemen (wakil rakyat) artinya kd asal sing warisakan haja tahta ka anak. Nah Kabupaten Tumaritis ini tamasuk kabupaten nang penting, inya banyak bubuhan veteran pejuang kemerdekaan bagana dst. Tamasuk salah satunya Uwa Samar. Uwa Samar ni sakaluargaan urang kepercayaan Hubnur Provinsi Madukara Bapak Drs. Arjuna, M.AP kabatulan jua di Kabupaten Tumaritis ni Bupatinya ni urang Jagau jua bakas veteran hidin ngrannya Jendral (Purn) Satyaki Arya Patmanagara, sdin mantan komandan pasukan garda revolusi dari distrik Lesanpura.
Jadi tarkisah pesanggrahan bawah kariwaya. Tempat rumah Uwa Samar saparanakan bagana. Anak nang pambusunya ngrannya Nalagaring, inya niya wawasan luas jua kaya urang, sawat kuliah 3 semester jurusan pertanian-ampih gara-gara kakari bakalahi haja, urangnya katuju mambaca kuran, kartas kuran bungkus kacang nang sdh liwat 3 tahun gin dibacanya jua. Lakun kritis jua nih, ambahanu limpat kritis hakun manggatab lawan kawitan.
(Nalagaring Sambil ungut-ungut di palatar rumah, minum kupi Mix lwn ruku Pin Bold) "Uma wadah kita ni wahini lah, bahuma sasain nglih marga musim kumarau kada pati pasti lagi, jadi am masam banyu pahumaan kd baik banihnya," ujar Garing.
"Inya, kada kawa ai anak ai, dunia sasain tuha lalu pina ubah musim-musim niya ti, Â kd pati manantu lagi,' ujar Samar manyahuti sambil marumput di halaman rumah.
Naah Bapa niya, tipikal manusia kada maju bapikir, inya bapa ai.. tu nah.. tuu nah," Nalagaring manunjuk ampah ka gunung.
"Itu nah, marga tambang batu hirang tu bapa ai, bumi ni sasain panas dapatnya, " gawian Radin Arjuna haja jua patuanan pian tu pang nang ma acc perusahan tambang, tu yat banyu Sungai Gangga kaya banyu samin pinda warna habu ruku, bakas bubuangan limbah tambang lamun ari hujan," ujar Nalagareng pina banyaring.
Bamandak Samar marumput, duduk satumat sambil mnginum banyu teh panas sambil bakipas.
