Kangen Kupate Nyong

Dolan alun-alun mlaku ning pinggiran
Tengah dalan nemu bakul lesehan
Senajan ngelih ora ketahan
Wetenge gembar gembor jaluk mangan

Kupat bongkok arane
Pancen enak rasane
Isine lontong ditawuri tauge
Ditambah krupuk mie lan disiram kuah tempe

Regane murah ora mupakat
Ora nggawe dompet sekarat
Bisa dipangan kabeh masyarakat
Lan ora bisa nggawe mlarat

Temenan nyong kelingan Tegal
Atine nyong rasane dibegal
Daning kota sing terkenal
Kupat bongkok sing rasane maksimal

Mendung ireng kandel banget
Kaya atine nyong sing lagi nylenget
Mikiri Tegal sirahe nyong mumet
Ngemek batuk dadi anget

Awan mbengi nyong kemutan
Karo Tegal sing ketemu pas lebaran
Pengen mangan masakan enakan
Sing enake ora karuan