Arok ka buliah,cameh ka hilangan, kok ka buliah jan harok bana, kok ka hilangan jan cameh bana. Pulangan sajo kapado Nyo Allah SWT Maha Kuaso, kito hiduik dalam aturan Nyo
Iduik bakulik dunie, mati bapandam tanah. Ddari iqamat ka takabia. Baraa bana cito dirangkuah, auih batambah latiah juo, samakin dipaluak kurang nan ado. Itulah harakat nafasu nangko.
Musibah indak bisa tahalangi, kok untuang indak dapek diraih, malang pun indak dapek ditulak. Bapuluah tahun mungkin kito mancari, kok indak razaki di badan nanko, usah marisau kadalam hati. Sabanyak apo cobaan nan dihadapi, sabanyak itu pulo iman dipataguah.
Usaha wajib dilakukan untuk meraih cita-cita yang kita inginkan. Namun dunsanak, selain ikhtiar diperlukan doa sebagai permintaan kehadirat Allah SWT. Janganlah merasa risau apabila tidak terkabulkan seperti keinginan kita, untuk itu diperlukan rasa berserah diri kepada Allah, yakin akan mendapatkan yang terbaik dalam hidup ini.
Terkadang kita merasa tidak beruntung, merasa tidak memiliki daya dibanding dengan dunsanak yang lain. Sesungguhnya rasa iri & hawa nafsu adalah godaan hidup ini, karena nafsu pulalah kita terjerumus ke jalan kebathilan. Kok nafsu basobok jo syaitan cando bensin bakawan jo api.
Kok manggaleh awak, usah kicuah nan dipabanyak, kok bakarajo awak, usah buruak urang dipatageh. Sabanyak apo razaki nan didapek - kalau indak batua jalannyo - inyo ka marugikan diri awak surang. Apolai nan alah bakaluarga, jan diagiah anak jo bini hasil karojo nan indak elok, manjadi kasam dikamudian hari, tataruang awak sakaluarga.
Hiduik nan ko, yo sakucuiknyo sajo, karano dunia tampek awak baibadah, sebagai hamba Tuhan Allah. Memang paralu untuak mancari, tapi nan mancari tu tantu jo jalan nan batua. Kok urang bisa dipadutoi, diri surang indaklah kamungkin ka dikicuah.
Sasa kamudian indak paguno, manjadi sio sio dalam kahidupan kito. Urang minang nan tanamo pun indaklah sakayo bana, bisa disabuik : H. Agus Salim, Drs. Muhammad Hatta, ataupun Buya Hamka. Namun dek jaso-jaso baliaulah sagalo nan ado di nagari awak ko nan banamo Indonesia bisa dinikmati kasadoe.
Indak ado makasuik ka manggurui, untuk bahan renungan awak basamo.....semoga bermanfaat, Amin ya Rabbal alamin.
Dan orang-orang yang berjihad untuk (mencari keridhaan) Kami, benar-benar akan Kami tunjukkan kepada mereka jalan-jalan Kami. Dan sesungguhnya Allah benar-benar beserta orang-orang yang berbuat baik ( QS Â Al Ankabut 29 :69)
http://www.facebook.com/PITUAH.ADAT.MINANGKABAU
