Salah sijine tembang Pocung ingkang arupi cangkriman, kayata
Pocung
Bapak pocung rupane amemba gunung
Tan ana kang tresna
Kabeh uwong mesthi sengit
Kang kanggonan den lus-elus tinangisan
1. Tembung angel ana ing tembang Pocung ing dhuwur yaiku
a. Sengit=gething, anyel
b. Tan=ora
c. Tresna=asih/seneng marang
d. Amemba= memper, kaya
e. Tinangisan = ditangisi
f. Den lus-elus= dielus-elus
2. Negesi saben larik tembang
Bapak pocung rupane amemba gunung = Kang kudu dibedhek iku wujude kaya gunung
Tan ana kang tresna = Ora ana sing seneng karo si Pocung
Kabeh uwong mesthi sengit = Kabeh wong ora seneng, mangkel, pegel atine, nduweni barang kang kaya gunung
Kang kanggonan den lus-elus tinangisan = Dielus-elus ngenteni mbledose, ditangisi merga saking larane
3. Panjlentrehan Isi Tembang
Saka tembang ana ing dhuwur saget dimangerteni ngenani wujude kaya gunung, njalari anyel, lara mung iso dielus-elus ngenteni bledose, batangane utawa wangsulane yaiku udun.
#tembangpocungkelas3
#tembangpocung
