Geguritan & Parikan Banyumasan

ngarit suket nganti mumet
mumet nglamun jagong dapur
gremat gremet asal slamet
slaman slumun tetep makmur

sega buket lawuhe iwak
iwak cilik mangan tomat
pengin slamet dunya akhirat
gawe becik karo umat

wesi paku nunjlep lawang
lawang titipan diselah neng buritan
lampah laku tiang gesang
gesang sepisan golet keslametan

botol pecah isi taji
taji sega lawuh kwaci
esih bocah sregep ngaji
besuk tua dadi kyai

nganggo peci mangkat sawah
mlaku githir weruh jubah
dadi kyai sregep da'wah
akeh batir sugih berkah

29042015

 

 
Wanto Tirta

BALI DESA

ndandeng luru pangan sandhang
taun-taunan ninggal sawah pekarangan
pisah sanak kadang
ninggal tradhisi padesan

tuku lenga nata waja
waja gedhe pipir kaca
suwe lunga maring kota
angel ngodhe ninggal desa