jaman kuna nandur pete
gedhang klemas woe tundhunan
aben dina wis adate
wong banyumas mangan mendhoan
ngempani cempe rambanan nyolong
murug paku ngorong-ngorong
mendhoan tempe duwene inyong
ngaku-ngaku bisa debenthong
mbakari sate kambi dolan
agi greyengan ditinggal kramas
mendhoan tempe go pedinan
dadi klangenan wong banyumas
jaluk sangu go tuku kweku
kweku soten enak depangan
inyong krungu ana sing ngaku
dihak paten neng perorangan
ngenteni sepur liren matun
matun tanduran weruh kalong
ayuh sedulur guyub rukun
jaga mendhoan mbok decolong
nandur pare enggal woe
ngingu kidhang manak enem
esuk sore nggoreng tempe
lawuh madhang enak nemen
sega oyek garinge depe
ndhuwur wuwungan ana ramat
aja ngenyek mendhoan tempe
angger depangan lezat nikmat
05112015
Â
Wanto Tirta
PARIKAN URIP SLAMET
