Ciloteh Palanta, Pasan Mak Katik. Dalam Katagamangan Pemilihan Ketua Kampuang

CILOTEH PALANTA ; Pasan Mak Katik. Dalam Katagamangan  Pemilihan Ketua Kampuang.

ALHAMDULILLAH - Manjalang hari H ka Mubes di caliak, lai lah tanang se nampak e Eti. !  Sapo mak katik ka rang lapau.

Iyo mak!  Alhamdulillah.  Alamaik lai ka sukses nampak acara mubes kito. "Jawek si eti.  Jadi. sia je calon nampak kini mak.?

Kok calon, tantu lah ado,  dan itu alah lo di persiapkan oleh tim penjaringan nan di agiah dek tiok tiok korong,  kini lah masak sadoe, tingga kaba kaba (berita) pelaksanaan se nyo lai.  Dan ciek lai, kaba nan amak dapek dari babarapo panitia di alek isuak,  panganti nan mundur patang lah ado pulo .  "Jawek mak katik, sambia maangkek kaki sabalah untuk di lipek baselo di bangku panjang madok ka labuah.  

Pandangan mak katik luruih kamuko, seakan ado nan di caliak e ,  

Apo nan amak caliak. ? Kajuik si eti.

Indak ado.  Cuma amak agak tagamang se kini saketek. dek maliek suasana kini. Lah ampia dakek acara indak Ado nampak e pergerakan dari panitia alek,  samantaro, ado bebarapa dari pengurus inti nan Kini masih di lua nagari. "Jawek mak katik, nan tangan suok mangacau galeh kopi nan baru di latak an si eti.

Tadi amak optimis. Kini kok tagamang?!

Dek itulah dek kau eti.!

Apo lai ka sukses acara musyawarah kampuang kito ko? "Tanyo mak katik, tanpa ma adok an pandangan ka urang lain, tamasuak si eti sebagai urang nan batanyo.

Dek, informasi nan di dapek dari banyak urang, baik di palanta maupun di kada kopi si eti jo nimar,  information itu mulai marasuk ka pikiran urang tuo kampuang itu, Apo lai isu nan di angkek Da acong nan mulai mendekati kebenaran.