Prehatin Pabrik Pil Koplo Terbesar Kebongkar neng Jogja

Sayyid Jumianto

Wah edan, malah cerak omahku amung bedo Rt maneh, tobat-tobat ketiwasan. Piye maneh pabrik pil koplo mou wes  madeg ket taun 2018. 

Edan bahan bakune wae soko luar negeri jaringane Jogja, Jakarta lan Kalimantan. Neng Jogja ora amunging dalan Ikip PGRi sonosewu gudange, malah ana Pelem gurih ringroad barat Gamping Sleman. 

Ora nggenah to? Syukur wes diungkap Polda DIY Karo Bareskrim Polri. 

Yen bener ket taun 2018 bener-bener kecolongan lan koyo nampek raine sik kawogan ing kapenawonan Kasihan lan khususe Bantul amergo ulahe wong kang pengen sugeh kang kang halake segala cara. 

Prehatin lan prehatin amergo kawasan pergudangan ing Jalan ikip PGRi mono wes suwe podo madeg lan kabeh kanggo "komplek" pergudangan kang nganti saiki luput soko pengawasan sik kawogan lan kewiyak ana kedadean iki mugo-mugo kabeh gudang ing kono iso di delok opo isi lan kegiatane ing kono.

Waspada lan kudu eling lan ngelengke ora bab usaha kang dilindungi undang-undang  ning kudu aparat desa kudu oleh sidak lan kudu ngerti isi gudang lan kegiatane ben ora kecolongan maneh koyo sik neng cerak panggonanku iki.

 Sebab iki dadi prehatine kabeh wong lan aparat ugo iki kudu dibrasta ora mokal kedadean tindak kriminal koyo klitih 

sik kabeh kebukten podo nganggo narkoba ing kono okeh oknum pelajar lan mahasiswa sik karangket dinugo ana pengaruhe ugo soko pil koplo iki.

Dok.tribunjogjab

Acung jempol karo aparat kang wenang ngraket lan nyekel lan mbongkar pabrik iki.

Kabeh wong kaget lan gumun amergo kabeh wong ora ngiro yen gudang kuwi pabrik pil koplo sik gede sak Indonesia sebab sedinane wae iso mroduksi rong yuto butir pil koplo kang iso nyengsarake wong enom yutanan ugo.

Ana sik salah bab srawunng ing kene ugo dinugo soko limpute tangga lan aparat kang gawe ijin gudang mou yen ora ngiro kanggo produksi pil koplo ugo ora iso disalahke bab iki pancen permainan bandar gede ugo.

Analisaku

Ayo ndang di galake maneh bab ketahanan keamanan, gotong royong, lan simpati lan empati, ngejak ronda marang penghuni anyar, lan kepengen ngerti opo kang dadi kegiatane tanggo sitik eding ugo oleh kok ben yen ana opo-opo lan kedadean koyo ngene iso cepet dielengke 

Opo langsung telepon  marang aparat sik kawogan

Saran

Ngati-ngati lan setiti ngulo wentah marang peputra perlu mantau bab iki ojo nganti kejrumus pil koplo, amergo dadi prahatine kabeh kawulo.