Mantra Dalam Kehidupan Masyarakat Kerinci

 

Bismillahirrahmanirrahim

 

Haiiiiiihhh….  kayu jarang barsiu… jarang basilo…., jarang putih… namo ibu kau….., jarang putih neh namo bapak kau….., haiih….kau menyeru ruh sikalian sakti… kau munyeru ruh sikalian kuramat…. untuk nyampaikan pintak pinto aku….., pado Allah, kupada Rasul…, pado Tuhan aku ngan si..benanyo, pado kayo ngan tuwen ingat kulano sini….

 

Haiih…. Berkat kayo neh wali ngan butigo…. liyam dipuncak gunung marapi…. berkat pri neh dingan mandiri…., berkat diwo digunung ngan tinggi. Berkat kayo nih ninek Tamenggung… ninek tamenggung neh tigo sudaro… tigo sakanti neh tigo sadiring…. Berkat kayo ninek Tamenggung Adil kayo… duo ninek Tamenggung Adil Bicaro…. Tigo Tamenggung nih Rio Bayan Putih… dingan butempat neh dipasambe indah… pasambe indah Pasaguh lah Agung… berkat Kayo ninek Rajo Simpan Bumi… Rajo Simpan neh Bumi Ajo ga…. Ajo Ga ninek kuramat ngan kuramat… dibutempat lah di dusun jambu alo… dibutapak neh lahdi rumha gedang kito… umah gedang neh dipasusun kito…

 

Haeiiiihhh…… Kayo kuseru nih tibo cpat tibo, kayo kuimbau neh datang cpat datang…., idak baseru neh seru sajo bae, idak barimbau aeh rimbau sajo kiyan, ado sihih guru kapu tigo kapu…. , ado ukok guru dingan tigo batang…, mintak jawat guru mintak lah dijapo…. pado kayo guru dingan kno seru… pado kayo guru dingan kno imbau….dikarno guru mintak lah diingat… dikareno guru  mintak dikalano… papah bimbing guru siang dingan malam, papah bimbing guru ptang dingan pagi…..

 

Haeiih…. Tabik guru neh diburibu tabik…. Mintak ampun guru siyo mintak ampun…. Ntah alat guru genap idak genap…. Ntah alat guru cukut idak cukut….. jangan guru latang dero dimundero… jangan guru aeh datang nak mengih…. Ini siyo guru kno alah ucap…. Siyo ini guru kno alah sayo…. Sayo anak buah guru anak punakan…. Mintak guru aeh latang lah nian…. Kibak guru alah hulubalang kayo…. Hulubalang guru dingan lah garang… siyo takut ladi hulubalang kayo…. Mintak kiba guru hulubalang kayo…. Latang guru nian dingan lah bna…. Latang guru nian dingan lah btu…. Luhuh-luhuh guru ngayun ka langkah… luhuh-luhuh guru nunjuk ka kami… 

 Haiiih….. ini guru sirih dipu ala ngucap…. Ini guru sihih dipu alah nyayo…