PDP
Singgetan tina Pasien Dalam Pengawasan, nyaeta jalma nu keur diawasi ku dokter atawa tanaga medis kusabab gering batuk, muriang, atawa gangguan pernafasan. Manehna boga riwayat pernah nganjang atawa datang ka kota/tempat wabah virus Corona. Bisa oge eta jalma pernah reureujeungan jeung jalma nu positif keuna ku virus Corona.
Baca juga: Arti Pandemi Covid-19
Suspect
Dicuriga keuna ku virus Corona tapi acan kabuktian.
Positif
Kabuktian keuna ku virus Corona dumasar hasil pamariksaan laboratorium.
Lockdown
Teu meunang kaluar ti imah sumawona kaluar kota/wilayah sejen. Cicing wae diimah.
Social Distancing
Kudu ngajaga ulah aya ririungan atawa kagiatan nu ngalibatkeun jalma rea, saperti pesta, seminar, rapat, jeung rea-rea deui kaasup kagiatan kaagamaan. Ngan lamun kapaksa kudu bisa ngajaga jarak fisik (awak) jeung nu sejen. Paling saeutik 1,5 meter.
Isolasi
Dikerem di hiji ruangan bari diubaran kusabab positif keuna ku virus Corona. Ngarah tereh cageur jeung henteu nepakeun ka nu sejen.
Karantina
Upaya keur nyegah ayana perpindahan jalma atawa barang ti hiji tempat salila periode waktu tertentu keur nyegah nepa jeung nyebarna panyakit, siga virus Corona.
APD
Singgetan tina Alat Pelindung Diri, nyaeta sababaraha kalengkepan pakean keur ngajaga diri tina rupa-rupa bibit panyakit kaasup virus Corona. Conto saperti masker, baju hazmat, jeun sarung tangan.
Disinfektan
Cairan zat kimia nu digunakeun keur ngabersihkeun jeung maehan kuman/virus nu nempel dina rupa-rupa barang. Cara ngagunakeun disinfektan disemprotkeun make alat panyemprot.
Baca juga: Pantun Nasehat Ngeunaan Virus Corona (Bahasa Sunda)
