Wanto Tirta
NGEBOR
gara-gara pinter geol bokong
munggah panggung derubung wong
nembang dangdut ngorong-ngorong
panggung oyag geyang geyong
sing ngibing karo gleyar gleyor
senggoyongan ayag oyog
tembang danggdut kanggo kasenengan
dadi dalam pangan wong pirang-pirang
nadur jae neng galengan
kono bae nggo delengan
nandur jae neng kothakan
kono bae nggo jogetan
nonton tivi nyetel radio maca koran
jagad oreg padha surakan
akeh wong wadhon pada sumelang
wegah ginggang mbok detinggal sing lanang
golet bojo sing bisa goyang
ana loyang werna abang
abang ijo dadi kleyang
esuk goyang sore goyang
anak bojo padha reang
gara-gara pinter geol bokong
pahal nembang olih dhuit segebong
bali desa dadi cukong
kena nggo gawe gedhong magrong-magrong
bungahna kulawarga atine bombong
tua nom lanang wadhon
dina wengi kepengin ngebor
keliru ngebor
bokong dadi nglosor
kesasar ngebor pipa lapindo malah bocor
gawe sengsara maring wong
keliru gleser ati tambah gemeter
keliru guyer bisa keblinger
keliru ngisor puser weteng mlendhung rasane kleyer
ingsar ingser dopok ratu ngebor
akeh wong kepengin kesohor
bisa ngebor nganti nyonyor
kon sing lanang tambah nyosor
ibu-ibu gisus kepengin nyonto
rame-rame latihan ngebor
bokong deingser rasane seer
tapih nyrimped tiba kejongkong
bathuk mlenong nangis ngorong-ngorong
gara-gara pinter geol bokong
ider bokong butul hongkong
niat nyambut gawe malah entong brontong
bali ngode umah gari seplong
bukak senthong atine nlangsa nggelolong
neng luar negri deremehna wong
golet dolar olihe weteng jemblong
dadi korban gawanane tekong
sega gigih dicucuk meri
meri galak debandem seplit
pengin sugih maring luar negri
awak rusak ora olih dhuit
sing teyeng geol bokong tambah kesosor
sing tiru-tiru kur padha ndomblong
kelalen maring budhayane inyong
kudhu eling lan waspadha
majune jaman ora kena diadhang
rembesing budhaya terus blandhang
mulane padha sangu benteng iman lan taqwa
kanggo cekelan brayan neng alam dunya
kanggo celengan neng alam akherat
aja nganti keblinger ora due uger
aja mung necer neng ngisor wudel
mbok dadi urip ora due pager
ana gombal degawe bantal
cewilan beton pating jrungkal
jaman global aja uwal
cekelan wathon sing tawakal
20062009
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana. Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI
