waktu bangun pagi
beta sengaja buka jendela kamar
jendela hati
deng pintu rumah
lalu sangaja trawang ka teras mata
ada kehangatan disana seng?
ada bahagia disana seng?
jang sampe ada luka?
kalau ada
jang lupa kasi tau e gandong
sapa tau beta bisa polo ale
lalu kele ale deng doa
beta anak biasa yang bisa panggel ale saudarah
beta anak biasa
yang sakarang balong sempat dihitung dari sekian banyaknya bintang-bintang harapan, yang masih berjuang
dengan gelar lajang
sengaja beta tulis carita di atas kartas ratapan
biar jang talalu jauh deng harapan
dan bukan deng ale pung tatapan
sodarah!
ale seng perlu sedarah deng beta
par jadi beta pung keluarga
ale seng perlu seagama deng beta
supaya bisa dibilang seiman
ale seng perlu hitam par jadi orang timur
ale seng perlu putih par jadi orang jawa
cukup ale indonesia
ale bhineka tunggal ika
maka di beta pung dada deng teras mata su ada rasa bahagia
ale deng beta bukan saudarah, sedarah dan sedaging.
tapi ale deng beta akan selalu menjadi keluarga didalam kesukaran.
Hutumuri 29 April 2021
