Beta Pung Mama (dalam Bahasa Kupang)

Beta pung mama..

Hari ini ulang tahun sekaligus pensiun

Beta pung mama seorang guru..

Mama kasih habis mama pung setengah umur

Untuk piara beta

Beta pung mama...

Orang yang sonde punya apa-apa

Sonde pintar... 

Sonde pintar hitung beta pung kesalahan

Sonde mampu.. 

Sonde mampu ingat dia pung hidup sendiri karna selalu ingat beta

Sonde ambisi kumpul harta banyak-banyak

Karna semua yang mama punya,

semua mama kasih untuk beta

Sonde ada waktu... 

Bahkan untuk perhatikan mama pung diri sendiri

Semua mama pung waktu hanya untuk kasih perhatian pi beta

Dan sisa dari mama pung waktu afalah untuk berdoa

Berdoa tiap saat untuk beta..

Beta pung mama ju kurang istirahat..

Karna selalu kerja capek-capek,

Mungkin kena bentak di sekolah

Mungkin sakit hati karna orang marah

Semua hanya untuk bisa beli apa sa yang beta minta.

Mama.. Terima kasih.

Selalu ada, selalu kasih beta sayang

Selalu lindungi beta dari kecil..

walau beta egois.. 

Beta salah tapi mama mengalah.. Kadang beta sonde minta maaf, padahal bangkali beta su buat mama sakit hati 

Terima kasih Mama, 

Semoga mama tetap sayang beta

Seperti ini

Beta sayang mama..

Sampai beta pung waktu berhenti

25 Juni 2021

Untuk Mama

Selamat Ulang Tahun