Aje depet ane kekumpulan. Arep neng tepas umah te, arep neng gardu te, arep neng warung te, pokone aje beh ya!
Ore weroh te neng berita kaen ane corona? Koh, neng Serang wes ane seng ninggal gare-gare corona. Wes wakeh uwong pade gereng gare-gare corona.
Makane nurut, aje kekumpulan mbokan ti tekani polisi. Wong seng arep hajatan kawinan bae sampe ore oleh. Jeremah nda aje ketularan corona.
Wes saiki mah neng umah bae. Aje akeh lelenged ngelayab. Mbokan ketemu corona. Ulese mah ore kedeleng kaye memedi saking aluse. Tapi ga neng wes kene bise gering, terus bise mati.
Wujude mah celek, langke seng bise ngedeleng. Tapi ga ari wes ketularan me bahaye. Sedeng ta ya uwong seng gereng kuen, ane seng ore ngeloh gereng. Gale mah bise bae ngegawe virus.Â
Saking aluse, wes kaye memedi corona kien dulur. Makane wes neng umah bae. Aje kekumpulan dipit. Engko ga neng wes langke corona arep ape bae oleh.
Soale corona kuen langke obate. Mboh ya sampe kapan kependak obate. Wes weroh langke obate mah mendingan hindari dipit.Â
Pokone seng gereng kenang corona ore bise ti gawe neng dukun. Ore bise ilang arep tijampe-jampe ape bae. Mending bae neng kesambet setan, mase bise tisembur nda lunge.
Neng ore penting-penting amat metu mah ore usah. Ari ye mbokan penting mah mestine ngengerati dewek. Ngenggo masker nda nutupi cangkem kare cungur. Soale corona kuen bise nular seng watuk lan wahine seng wong gereng.Â
Terus sering-sering wesoh tangane. Ngenggo banyu seng ngaler. Aje kelalen ngenggo sabun. Jerehe sabun kuen gawe mati corona.
Wes aje kekumpulan dipit mbokan titemui polisi. Bise ti penjara jige neng kekumpulan kuen.
Saiki bae, Polisi lagi nyemproti dedalan. Aje gawe sangkut keluyuran neng ore pengen kesemprot. Nda pade mati coronae neng tisemprot kare disinfektan.
Wes yeh aje gawe sangkut keluyuran, neng umah bae nda selamet. Engko ga neng sire pade nurut coronae lunge. Ye ore, lur?
