Mohon tunggu...
Iji Asrul Tabona
Iji Asrul Tabona Mohon Tunggu... Politisi - Alhamdulillah

Nikmati Tuhan Yang Mana Yang Kau Dustakan?

Selanjutnya

Tutup

Puisi Pilihan

Laut dan Basudara

6 November 2021   07:27 Diperbarui: 6 November 2021   07:42 108 4 0
+
Laporkan Konten
Laporkan Akun
Lihat foto
Laut dan Mendung (Sumber : Dok. Pribadi)

Hari itu angin batiup kuat skali
Awan galap so diatas laut deng air kali
Seng lama omba besar datang kuat skali
Katong semua masih diparau tagal mangail ikan kacili

Ini carita zaman katong kakacili
Tiga puluh taong so lewat lagi
Mar akang seng pernah lupa diri
Kalau dulu katong seng pernah sasandiri

Karena katong besar deng laut
Su tabiasa deng galombang
Katong tahu laut rasa garam deng ombak seng pernah tado
Seng sama air kali, rasa gula, baru seng ada gelombang kayak sumur di kabong

Jang pernah lupa
Kalau katong samua ana-ana pelaut
Biar gelombang rupa-rupa
Katong pung semangat seng pernah surut

Walau yang datang badai dan gelombang
Akang katong hadapi jua
Karena katong so belajar dari kakacili untuk bersua
Deng samua gelombang yang sering menggunung-gunung

Katong seng akang lari
Karena menghadapi itu yang tong pelajari
Katong seng akan kasih tinggal basudara
Untuk hadapi sendiri sampe badara

Jang pernah lupa diri
Seng akang sasandiri
Ale rasa beta rasa
Karena katong satu rasa

Itu hidup orang basudara

Waihama, 2021

Mohon tunggu...

Lihat Konten Puisi Selengkapnya
Lihat Puisi Selengkapnya
Beri Komentar
Berkomentarlah secara bijaksana dan bertanggung jawab. Komentar sepenuhnya menjadi tanggung jawab komentator seperti diatur dalam UU ITE

Belum ada komentar. Jadilah yang pertama untuk memberikan komentar!
VIDEO PILIHAN
LAPORKAN KONTEN
Alasan