Ini kejadian di jaman jahiliyeh ( zaman doeloe ) mertue Mamat sengaja didatengin ke Jakarte dari Jawa Barat buat ngegali sumur yang aernye kagak deres lagi, kerne sang mertoku emang ahli gali sumur.
Mamat   : " Gimane Pak, mau istirahat naek dulu kagak ? " tereak Mamat kle dalem lobang sumur
Mertua  : " Iye Mat, taraje "
Setiap ditanye ame si Mamat mau naek ape kagak, ntu mertue selalu jawab taraje, taraje mulu. Lama-lama kagak kedengeran lagi ntu suare mertue, begitu disenter ame si Mamat ternyate sang mertue lemes mau pingsan. Begitu diangkat ampe diatas, sang mertue marah-marah ame si Mamat, udeh minte taraje, taraje koq kagak diturunin ntu taraje ( sunda = tangga ). Gimane mau diturunin kate si Mamat orang mintanye Ntar Aje ( taraje )
