Dongengna hiji pamingpin
Boa gawe sugan ulin
Moal nyebut bisi isin
Mangga tebak dina batin
Uar-uar rek pelesir
Bejana teu mawa supir
Naek kapal nu kataksir
APBD jadi kasir
Ongkos kapal ratus juta
Can kaasup keur hotelna
Bintang opat minimalna
Dahar jajan nya tambahna
Bejana tatangga Cina
Nagara si sipit tea
Ngungudag dana hibahna
Ratus milyar pameranna
Rek indit geus rame pisan
Pengumuman dina koran
Pesbuk ge teu kaliwatan
Ratus milyar yakin pisan
Balik ti luar negeri
Ratus milyar henteu jadi
Bantuan teh ukur janji
Hibah milyar ukur ngimpi
Ngelesna teh transfer elmu
Pakeeun di lembur tangtu
Padahal ngan ukur kitu
Cukup jurnal maca buku
Teu kudu ka luar negeri
Manfaatkeun para ahli
Nu malaher kana cai
Nya aya di NKRI
Sugan kitu ti bareto
Jalan-jalan tara poho
Para dulur ulah kepo
Ka pamingpin nu daronto
Cibinong, 2019