(Karipta dening : Upik Triwulandari)
Ngendikane simbah
Aku bocah wedok
Kudu tansah manut pitutur
Duwe kepribadian sing luhur
Amrih uripku boten ajur
Ngendikane simbah
Aku bocah wedok
Tandang gawe ra pareng grusa-grusu
Tansah sumringah ra pareng mecucu
Mulane wajahku katon ayu
Aku bocah wedok
Kudu sregep umbah-umbah
Nyapu ngepel ojo wegah
Sopo ngerti besok gede
Aku dadi lurah
Ngendikane simbah
Aku bocah wedok
Kudu hemat ra pareng boros
Yen mundhut-mundhut kedah atos-atos
Mulo uripku ra bakal rekaos
Ngendikane simbah
Aku bocah wedok
Ora pareng cupet pikire
Bijaksana jembar wawasane
Yen suk dadi pemimpin
Bakal adil marang rakyate
Besok gede aku pengen dadi DPR
Amrih ra ono korupsi sing jejer-jejer
Ngendikane simbah
Senajah isih cilik
Bukuku tumata ra mosak-masik
Lemariku rapi ra morak-marik
Amargo aku ra kakehan goyang itik
Aku bocah wedok
Aku pengen tansah ayu cerdas
Yen bisa kaya MISS WORLD 2013
Lembahane mblarak sempal
Pinter lan apik pikir, budi, lan akal
Sopo ngerti aku biso gawe kapal
Ngendikane simbah
Bocah wedok ra pareng isinan
Nanging ra pareng nggragas ing panganan
Mengko mundhak salirane koyo plembungan
Amargo aku bocah wedok
Ra pareng kakehan dolanan
Ra pareng kakehan jejogedan
Mengko ra kober belajar
Terus nonton tv
Acara ra buyar–buyar
Aku bocah wedok
Neruske lakune Kanjeng Ibu Kartini
Lembah ing manah jujur marang negri
Bumi Pertiwi pengabdianku
tumus jroning ati
Aku bocah wedok
Iku ngendikane simbah.
( Oktober 2013, Taman Remaja, Surabaya, Pentas Seni SD)
