Mohon tunggu...
Soufie Retorika
Soufie Retorika Mohon Tunggu... Penulis - Penyuka seni, budaya Lahat

Ibu rumah tangga, yang roastery coffee dan suka menulis feature, juga jalan-jalan

Selanjutnya

Tutup

Fiksiana

Cerite Utan Kecik

18 Maret 2019   16:34 Diperbarui: 29 Februari 2020   14:54 93
+
Laporkan Konten
Laporkan Akun
Kompasiana adalah platform blog. Konten ini menjadi tanggung jawab bloger dan tidak mewakili pandangan redaksi Kompas.

Kebile-bile...
Mangke kulege...
Kebile-bile ku ade kance...  

 (Lagu Kebile-bile, lagu daerah Lahat)

Reribangan (bersenang-senang) kami benyanyi, besame Ayuk-ayukku (kakak perempuan). Nameku Husain, biasenye dipanggil Ucin,  sedengat agi (sebentar lagi) umur aku  tujuh taun dan maini akhi (sekarang) sekulah di sekolah dasar. Aku tinggal besame ketige Ayukku yang betine gegalenye (semuanya) dan anye (hanya) aku anak mamak yang lanang. 

Mamak kami panggil Ibok, maghini akhi kami tinggal di talang (kebun yang jauh dari pemukiman) di ujung dusun. Maitu kami nyebut badah kami tinggal di Lahat ni, sebetulnye jarak duson ke talang kecik ni dak jauh ige, anye beberape ratos meter saje. Kebile nak ke sekolah, ke pasar, ke kota dide jauh ige. Pacak be kerete roda due atau mobel.

Kami berempat saudare  jarang benau bemaen ke duson, karena suguhan utan ni lah macam-macam bentuknye, dide bosan. Ibok juge dide kawatir anaknye lenget (hilang) kebile kami bemain.

Ibok seorang petani kawe (kopi), sebetulnya anye bantu petani mutir (memetik), nyemur, ngirou (menggoreng) kawe dengan care yang berbaik. Mulai mutir biji merah saje supaye hasil seduhan kopi menjadi maksimal, Luk itu kate jeme kota becerite dengan ibok waktu die milu penyuluhan dan belajar tentang kawe. Endung kami ni, atau mamak bise jadi ibok kadangan jeme manggilnye. Die dikate jeme, lulusan balek bukit (dari bukit).

"Ibok, ngape jeme (orang) tu ngomongka ibok, lulusan balek bukit, ape artinye ?"

"Dibadah kite ni di balek bukit anye sekolah gajah, di Bukit Serelo dan Esde (SD)."
Endung ditanye, sesenyuman saje. Ngatupka (menutup) mulutnye, abistu (setelah itu) tetawe ibokku. Palakku (kepala ku) diusapnya dengan kaseh sayangnye. Kemudian disudahi tetawe, die becerite, didudukkannye aku di batu balai besak depan hume.

"Ndok ai kaba Cin, ade saje betanye."

"Cuka (coba) kaba (kamu) dengar ibok becerite."

Awal mulanye ibok dide paham benau, anye waktutu sesering milu diskusi, banyak orang yang memberikan julukan itu karena ada orang dusun yang  begitu peduli dan menjage kampung kelahiran nya.

Ibok pekerjaannya macam-macam, ada lima puluh batang kawe yang dirawat ibok tidak banyak juge mengelola kawe mpai siap di minum, selain membantu milik jeme tetangge dusun.

HALAMAN :
  1. 1
  2. 2
  3. 3
  4. 4
Mohon tunggu...

Lihat Konten Fiksiana Selengkapnya
Lihat Fiksiana Selengkapnya
Beri Komentar
Berkomentarlah secara bijaksana dan bertanggung jawab. Komentar sepenuhnya menjadi tanggung jawab komentator seperti diatur dalam UU ITE

Belum ada komentar. Jadilah yang pertama untuk memberikan komentar!
LAPORKAN KONTEN
Alasan
Laporkan Konten
Laporkan Akun