Jema berimen we Qona'ah
Gere ne tamah ate nge senang
Bersyukur pedih we ku ALLAH
Rezeki singah atewe tenang
Ku-akal jeroh ini debami
Atewe belangi gere mucunang
Ku-akal kotek ku rugi
Oya ku diri kin ulu balang
Jema berimen enge mupendirin
Nguk iperin niette lempang
Jema lagu nini we olok yakin
Nge tercermin gere musesirang
Siberimen gere berputus asa
Lisik bebuet belepih-belagang
We bebuet tamah urum Do'a
ALAH si sara munentun timang
Bertanggung jeweb ini mienne
Sana sibuetne se resiko iarang
Si tanggung jeweb i pekeri ye
Terih rasaye wae mupetimang
Beperi benar inipe sarami
Cerake belangi gere ikekarang
Cugemi ibaca so hadits Nabi
Buet cogahni enti bebarang
Menepati janyi mien ara sipet
Lagu tabi'et tamsil i regang
Kin janyi si enge musuet
Akhir hakiket oya le utang
Jema berimen tulung mubantu
Ma'ruf ipacu oya wae tukang
Kubuet sikotek tir munulak pumu
Kena beningne ulu neraka mubayang
Ini tene sipet ni jema berimen
Oya amalen sigere munentang
Kukite insen enguk ibeningen
Sijeroh ibueten taringen si larang
Oleh Radensyah.
