[caption id="attachment_360239" align="aligncenter" width="503" caption="Ilustrasi perampokan harta benda_pwitebingtinggi.wordpress.com"][/caption]
Rikalane sumebar kabar bab omah neng kutho bla bla duweke kulowargo Samaran, sawijine penggedhe, kerampokan durung suwe iki, tinemu ono sing aneh ing TKP mau. Rampok sajak ora butuh nggondhol barang mbejaji tur larang regane, klebu TV plasma layar lebar, VCR, lan jam tangan mewah Rolex. Sing wis nyoto digondhol rampok mung arupo kothak werno putih, isi bubuk werno putih semu klawu. Mengkono antoro liyo sing kacetho njeron lapurane pulisi.
Miturut katrangan pihak kantor pulisi kang mengku TKP kono, sing nguwatirke bubuk kuwi saklerapan memper kokain mutu dhuwur sahenggo rampok rumangsane wis oleh gepukan muantep tur gedhen2.
Sesuke, pak Samaran sing omahe dijarah rampok nganakake konferensi pers. Disorot pirang2 kamera duweke prasasat kabeh stasiun TV pak Samaran si penggedhe mau ugo mratelakake pangarepe sakluwargo marang si rampok mengkene:
“Tulung supoyo sing ngrampok omah kluwargaku lan katutan nggowo utowo sing nadhah lan nguwasani kothak putih lilo legowo mbalekake. Kothak putih mau mligi nggo nyimpen awu sisane kremasi jasad sedulur wadon sing murud ing kasidan jati tembeyan iki.”
Kocap dino sesuke, tonggo teparo geger mergo neng ngarep dalan mlebu pekarangan omah TKP ditemokake jasad salah siji gembong narkotik sing wis suwe klebu DPO pulisi. Layon katon nyandhing kothak putih wadhah awu kremasi dulure pak Samaran si penggedhe sing bareng dititiprikso pulisi jebul wis kalong separo.
Kertas sak suwek tememplek kothak nganggo lakban mowo tulisan mengkene:
“Wong iki wis banget kumowani ngedol barang palsu marang aku, mulo pantes dirampungi. Pangapuro sing gedhe wae, separo awu sedulurmu kadhung wis kasedhot mergo kasengguh bubuk sabu. Ojo dadi penggalihan abot. Sugeng siang.”
----- MESS -----
Yo wislah. Semene dhisik yo sob.
Jakarta, 11 April 2015
Tabik & salamHUMORana.com
ttd& cap stempel resmi
Departemen Humor Garing
