“Sebenernye sih nyiapin buat mase depan anak, buktinye kite kebagian warisan kebon, sawah biar nggak gede. Tapi namenye warisan tanah, kebon ame sawah, kalo dibagi-bagi lame-lame juge abis, betul nggak pok. Biar begimane masih punye harepan bise nyiapin mase depan keturunan kite masing-masing. Aye ikhlas dunie akherat, demi Allah ame Rasulullah…. Biar seumur idup jadi tukang ojek, nggak ape. Nyang penting jangan sampe anak keturunan aye ngojek.”
“Begitu juge aye Bang, bukannye kite nggak bersyukur ame rejeki nyang kite terime. Nggak ade salahnye kan Bang kalo mau lebih maju dari sekarang. Aye kepengen Si Rodiyeh jadi perempuan Betawi nyang punye pendidikan tinggi di kampung kite, bise kerje di kantoran.”
“Insya Allah mpok…., udeh ye… pok, udeh siang aye mau ngojek dulu, nanti kite sambung lagi……, nih pok duitnye buat bayar kopi segelas, combronye tige, salam lekom….”
“Walekom salaam wa rohmatullahi wa barokatuh, kembaliannye nih Bang Tatang.”
“Gampang deh pok, entar aje…. Entar siang aye kesini lagi.”
Bung Suez, pencinta Betawi.
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana. Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI
