Sing sapa sregep nyambut gawe kanggo nggayuh kamulyaning urip bakal nampa lumebering sih katresnan Gusti Kang Maha Asih.
Lumebering samudra sih katresnan Gusti Kang Maha Asih bisa awujud asil panen kang murakabi uga kasarasan sing marakake bagas warase raga.
Mula wis lumrah kita tansah atur sembah nuwun marang Gusti Kang Maha kanti laku kabecikan marang sapadha-padha jalma manungsa.
Laku kabecikan ateges tumindak sing marakake kasantosoning lan guyubing urip bebarengan. Ngadohi tumindak cidra uga gelem bagi-bagi kang tinampa saka sih katresnaning Gusti Allah.
Ing padesan, atur sembah nuwun lumrahe awujud kembul bojana utawa mangan bebarengan uga kenduren kanthi ngundang tangga teparuh lan kanca tani.
Sadurunge lan sawise atur ujub kembul bojana tansah diwiwiti kembul donga utawa donga bebarengan.
Uga ngeningake cipta miturut kapitayan kang dianut.
Rahayu... rahayu... rahayu sagung dumadi.
