Partai Keadilan Sejahtera ngabogaan tekad pikeun ngalahirkeun tokoh-tokoh anyar sanajan partai ieu henteu dilahirkeun ku para tokoh. Diadegkeun 15 tahun ka tukang, partai nu awalna boga ngaran Partai Keadilan ieu ngarupakeun hasil ijtihad politik sababaraha nonoman. Kusabab kitu, PKS hayang ngalahirkeun tokoh-tokoh nasional anyar.
"Henteu sapertos partai lain nu dilahirkeun ku para tokoh, PKS mangrupakeun partai nu dilahirkeun ku para nonoman nu acan dikenal dina medan politik Indonesia era repormasi taun 1998," ceuk Presiden PKS Muhammad Anis Matta.
Hal eta didugikeun Anis dina konperensi pers saenggeus makan siang ka sababaraha juru warta di Samarinda, Kalimantan Timur, Saptu (13/4).
Namung saluyu jeung jalanna waktu, Anis netelakeun, rehna PKS teh geus ngalahirkeun tokoh-tokoh anyar boh dina peran jabatan publik saperti menteri, Kepala Daerah, oge tokoh politik sejenna.
Dina kasempetan eta, mantan wakil ketua DPR ieu oge nepikeun sual peluang kader PKS di Kaltim nyaeta Hadi Mulyadi nu ayeuna ngajabat Wakil Ketua DPRD Kaltim dina proses pencalonan gubernur Kaltim periode taun 2013 - 2018.
"PKS ngutamakeun kader langkung tipayun pikeun maju dina Pilkada, kukituna urang bakal terus ngadorong Hadi Mulyadi supados majeng dina Pilgub Kaltim," teges Anis.
Anis ngingetkeun deui ka nami-nami saperti Ahmad Heryawan, irwan Prayitno, jeung Gatot Pujo Nugroho. Tilu ngaran eta teh masing-masingna ngarupakeun tokoh politik nu diakui ku masarakat Jawa Barat, Sumatera Barat jeung Sumatera Utara.
"Hentue gampil ngameunangkeun Pilkada di tilu propinsi eta, tapi syukur alhamdulillah kader PKS ditampi sareng diakui prestasina ku masarakat," ceuk Anis nu nganjangan Kaltim dina raraga ngarayakeun Milad PKS ka-15.
Anjeunna boga kayakinan rehna PKS bakal masih terus ngalahirkeun tokoh-tokoh anyar nu mere kontribusi positip pikeun bangsa jeung nagara Indonesia.
"Aya tilu propinsi nu parantos atanapi bakal ngajukeun kader PKS salaku calon gubernur nyaeta Nusa Tenggara barat, Maluku Utara, sareng Kaltim. Mugi-mugi masarakat tiasa nampi aranjeunna kalayan sae," saur Anis miharep.
Tumbu kaluar: Dakwatuna