[caption id="attachment_367150" align="aligncenter" width="362" caption="IMG-20150507-WA003"][/caption]
ANE dolan nang Malang sambang pak Ukik karepe, njujug nginep nang omahe kang Karyo familine sing juragan kos-kosan. Koyoke krasan temen nglencer nang kuthane pak Ukik. Opo maneh cedhek sesawangan seger nang mripat.
Tapi sak temene ANE dadi gumun gak ilok ndelok gaya uripe poro mahasiswi sing indekos nang kono. Penampilane oke, sandhang penganggo gaya wong makmur ekonomine. Wis nganggo gawai weton anyar gak mek sitok, sepatu & tas merek larang, lipstik & wedak sing lumayan abot sanggane kanggo umume mahasiswi indekosan...
Iseng-iseng ANE jagongan karo salah sijine mbak Mahasiswi kos. Gak let suwe, jagongan dadi lanyah tambah gayeng, tutuk wektune mlebu topik inti koyok ngene iki trus dialoge.
ANE: "Wah dhasar wonge ayu, kathik penampilane mbak oke banget yo..... Mesti jatah kiriman soko wong tuwo gedhe yo mbak?"
Mahasiswi: "Ah gak koq mas, biasa ae kiriman bulanane."
ANE: "Lha terus kabeh barang-barange mbak tukune opo nganggo dhuwik godhong sawo kecik gambar cap Cakil tah?"
Mahasiswi: "Ah, hihihi ...... mase iso ae. Yo nggak-lah. Tekok asile nyambi bisnis cilik-cilikan lah mas."
ANE: "Oh ngono...... Bukak 'online shop' yo? Makelar lemah bek-beke? Opo ojok-ojok sampeyan melok dodolan shabu tah?"
Mahasiswi: "Olaopo resiko melok ketangkep dadi urusan karo BNN, gak mas. Aku mek dodolan KROTO ae koq."
ANE: "Mosok? Wis suwe tah? Yok opo carane mbak?"
Mahasiswi: "Weruh tah sampeyan mas, KROTO iku opo?"
ANE: "Yo ngertilah, iku kan pakane manuk se."
Mahasiswi: "Yo bener mas. Yo iku bisnis sambenku nek pas gak onok kuliah."
ANE: "Oooo dadi critane sampeyan bisnis pakan manuk ngono tah...?"
Gak let suwe krungu sworo mesin mobil mandheg, ono sedan teko, sing nyetir potongan Oom-oom. Ngejak mbak Mahasiswi mau lungo metu bareng....
ANE nggremeng alon: "Wah krotone payu oleh penglaris yo mbak?"
Koq yo krungu-krungune si Mahasiswi mau trus malah ijik kober semaur: "Pangestune mas.... Tak tinggal dhisik yo ......."
---oo0O0oo---
Yo wis-lah dul. Iso njupuk saripati maknane crito dhewek to? Hehehehe......... Sampek ketemu maneh nang crito guyon liyane yo?
Jakarta, 20150522
Tabik & salamHUMORana.com
ttd& cap stempel resmi
Departemen Humor Garing
Inspirasi: Agus Budiono, mitra Forum Ketenagalistrikan
