" Asalamualaikum Apak jo Ibuk yang Vera Sayangi,
Mungkin Apak Jo Ibuk ala lupo jo Vera,dek karano ala lamo bana awak indak basuo . Tahun 1980, Vera adalah salah saurang anak, nan wakatu itu masih baumu 7 tahun. Kami tibo basamo anak anak sakampung karumah Apak jo Ibuk di Jalan Bunda I/.6 A, Ulak Karang Padang, Jadi Vera maklum bilo Apak jo Ibuk indak takana lai samo Vera Dek karano 41 tahun ala berlalu.
Salamo anam taun lamonyo,Vera jo kawan kawan setiok Hari Raya Idul Fitri datang bertamu kerumah Apak jo Ibuk dan masing masing kami diagie Ibuk uang karate saribu rupiah nan masih baru. Dan diantaronyo, wakatu itu Erwan ,suami Vera juga ikuik basamo samo.
Sabananyo .wakatu makan basamo di Restoran Banamo di Padang,Vera lai tibo jo suami . Makasuid ati taragak bana untuk basuo jo Apak jo Ibuk. Tapi mancaliek,ado puluhan urang nan makan basamo,Vera indak barani manyalami apak jo ibuk
Vera sekeluarga,mohon maaf lahir dan batin,dek karano bisuak ka ba Hari Rayo. Kalau lai bulieh, bilo apak jo ibuk pulang kampuang,izinkanlah Vera dan suami mengundang Apak jo Ibu makan basamo. Ala sabana taragak kami jo Apak dan ibuk.
Semoga Apak jo Ibuk selalu di Rahmati Allah dan awak bisa basuo lagi di kampuang halaman
Salam takzim kami baduo
Vera dan Erwan
