Pamingpin Kudu Ngarahayukeun Rahayat

SIMKURING lain ahli pulitik. Komo deui mun kuliah di jurusan pulitik. Dalah jadi pulitikus praktis, simkuring teu hayang-hayang pisan kawas batur ngambeu jabatan anu pas pamilihan umum sok remen dipahibutkeun teh. Lain teu bisa. Tapi, tingkat elmu pulitik kuring can nepikeun ka darajat pulitikus-filsuf. Pan ceunah ceuk katerangan pupuhu filsafat Yunani, Plato tea, dina buku Republik Nagara teh kudu dipimpin ku pajabat nu ngarti kana etika pulitik (politisi-filsuf).