ANDRIYARAKSA
Bedhug tiga netra nora bisa turu
Saya ngambra-ambra
Kayatnan prastawa wuri
Gumawang satuhu angrerujit nala
Denseslimur sinawung ngreronce kidung
Pocung dhandhanggula
Sekar ageng sekar alit
Bokmanawa bisa weh panglipur driya
Tan karasa wahya subuh uwis mangsuk
Saratri tan nendra
Angga lesu nggaregesi
Sigra sesuci manembah ngestu pada
Kumleyang rasane kadya janma wuru
Lungkrah tanpa daya
Netra arip pengin guling
Nora pantes esuk-esuk mapan nendra
Adhuh biyung anakmu nyuwun pitulung
Paringa usada
Mring siwi kang nembe kingkin
Kawilut darubesi andriyaraksa
Tepiswiring persil kopi, gagat rahina 10022014
