CARITA SI ENCUS BASA MASIH BUJANGAN KENEH
Ke hayang seuri heula nya hahaha...
Mangga pek geura judulan caritana ku para wargi Kompasiana sadayana sapantesna!!
Kieu caritana.
Bungah teu kapalang hate nu ngaranna si Encus, pangpangna geus genep bulan leuwih manehna ngajalin hubungan asmara jeung neng Itoh, karek ayeuna ieu kabogoh hatena ngangajak ulin ka imahna. Cintana ayeuna lain cinta monyet.
Encus jangji rek ngapanungtungan patualangan cintana, neng Itoh palabuhan terakhir cintana, neng itoh mojang geulis nu dikenalna ti na facebook genep bulan ka tukang lain bae mojang nu bageur tapi oge rapekan tur ideng montok bohay sadunya jeung sajabana (ceuk si Encus eta ge)
Ari neng Itoh asalna ti kulawarga nu sederhana di lemburna, indung bapana pohara bageurna tur someah pisan
Pasosore Encus indit niat hayang nepungan ka nu jadi calon pimitohaeunnana. Kameja kotak- kotak dipadu jeung calana jeans abu-abu teu poho make sendal gunung karesepna penampilan Encus katenjo leuwih kasep tisaharitana, metching pokona mah.
Profesina salaku tukang nyaba jualan ka luar pulo ngajadi aji andalan keur ngahareupan calon mitohana. "Mamah...bapa...kenalkeun ieu aa Encus tea" ceuk neng Itoh mani darehdeh, "ooo... Ieu namina jang Encus teh?, euleuuuh si kasep"
Tahap awal dilewatan Encus teu aya kendala, indung bapana Itoh sihoreng bageur tur someah pisan, saking bageurna lain bae sacangkir teh poci panas nu disuguhkeun, aya oge sakeler/satoples Khong Guan jeung sakeler/satoples Monde Butter Cookies.
"Ahaaaa ngeunah yeuh siga lebaran bae" kitu gerentes hate si Encus, maklum ngarana oge nyambut picaloneun matak kadahareun nu disuguhkeun oge nu ngareunah.
Lila maranehna ngalobrol semu akrab pisan ngajadikeun beuteung si Encus kukurubukan asa lapar, usikbari matana popolotot bae ka arah toples-toples nu aya di luhureun meja.
"laper adalah kontroversi perut dengan usus, dimana lambung mengkudeta perut sehingga menghadilkan kekerebekanisasi" ujug-ujug si Encus nyarita kitu atuh gerrr deui kabehanana ting cakakak seuri ngadenge si Encus ngabanyol nyarita make gaya so artis
"Mangga atuh sok diraosan a Encus tong isin-isin, punten mung aya ieu maklum di kampung ayana mung nu kieu", "muhun Mah ieu oge tos langkung ti cekap, ditampi mah pa" Teu era-era si Encus ahirna muka toples Khong Guan sabari ngabayangkeun ngeunahna kueh nu bakal manggihna ukur sataun sakali hungkul.
Ceg kerewek hiaaat sihoreng simanoharagoreng eusina kurupuk encrod jeung kiripik gadung.... Sial, kuciwa pisan hate si Encus, geus kapalang dicomot piraku dibalikeun ka na toples deui, akhirna tibatan beuteung kekerebekan, kurupukpun diembat oge hahaha...
Pesan moral ti kuring matakna ulah sok nenjo luarna tempo heula jerona, sakitu...
Salam berkokok.
