Kurenah Cinto Anak Kampuang(1)

Kurenah Cinto Anak Kampuang (1)

"Patamo Kuliah di UNP,sigaggeh mandi."

Hari iko awal pak ajo ripi masuak kuliah di UNP.sangkek nantun hari manunjukkan pukua limo pagi lewaik saparampek minik. Ajo ripi basigageh pai ka kamar mandi. 

Sambia tapikia, "ndeh kini awal ambo kuliah mah nak, ambo harus sumangaik karano ambo indak ingin batele-tele kuliah ko doh",kato pak ajo ripi sambia mambukak sirawa jo baju wee di kamar mandi nan di suduik kamar mandi nantun adi nampak lumuik kahijau-hijauan.

pak ajo ripi mandi yo dengan sumangaik e, dek kacerobohan pak ajo ripi ko lumuik nan ka hijau-hijauan di suduik kamar mandi jo lantai nantun mambuek pak ajo ripi tasialia sangenek.karano cik mato alun tabukak bana sado e.yo bangkik pak ajo ripi dari jatuah nan disabuik tasialia tu,sambia kasakik an sangenek. 

Pak ajo ripi ma ambiak sabun nan ado di dakek tampek latak alat mandi nantun. Sabun nan biaso bapakai ko yo banamo sabun cayia atau sabun cair bahaso indonesia e.pas di ambiak yo lah indak lo babaco doh apo nan di ambiak tu. Main busa an se ka badan. 

Taraso di badan ko sambia bapikia pak ajo ripi, "baa kok indak baruok lah sabun ko kini ko,perasaan ambo tadi lai banyak baambiak nyo a.ndehh kok kayak giko sabun mandi ancak pancuci pigiang j nan ambo pakai lai ruok e banyak,baun e harun, barasiah, dan dapek lo mailangan noda mambandel. " kato pak ajo ripi. 

Dek lamo bapikia pak ajo ripi yo lah mancaliak apo nan disabunan kabadan wee nantun. Kiro e mak oii,yo nan subana e nan balepohan ka badan ko yaitu Kondisoner abuak.sampai gaek indak ka baruok lah badan pak ajo ripi nantun eh.yo subana ibo jo pak ajo ripi ko, alah tasialia ditambah lah salah ambiak sabun lo.baitu na lah parasian pak ajo ripi nan sadang sumangaik ko.

Dek untuang hari nantun hari bahagia inyo di awal kuliah je nyo tu,jadi apopun nan tajadi pak ajo ripi tetap sumangai ka kuliah ko. Walau agak-agak ramuak badan ko jo agak-agak alia badan karano salah ambiak sabun tadi tapi hati ko bana nan kuaik untuak mancaghi ilmu.