Kita/
Kita/ Wiraswasta

Semua orang pasti punya keresahan. Pasti punya masalah. Kita bisa berbagi apapun untuk selesaikan itu. Kita disini mau berbagi banyak hal lewat tulisan, foto, dan video.

Selanjutnya

Tutup

Regional

Nunga Sahat Tudia Bahasa Daerah Muna? :#SeninBerbahasaDaerah2

22 Februari 2016   23:14 Diperbarui: 18 Juli 2016   09:57 56 0 0

Tingki Mangaranto Gabe Lupa Bahasa Daerah Na

Mardalan tu jolo
Alai marsiadu tu pudi
Unang holan olo
Alai marungutungut dipudi

Horas Mas Bro dohot Mbak Bro?

Didia sonari hamu na tinggal, dihuta manang di tano parsirangan?

Boasa marpanungkun songoni, ala godang do dongan sian huta na lao mangaranto. Alai gabe dang dipangke be bahasa daerah nai. "Penyesuaian", ima sidalianna mangalusi. Tutu do nian hata ni peribahasa na mandok, "Dimana bumi dipijak disitu langit dijunjung." Alai uang gabe, "Lupa kacang akan kulitnya".

Adong do na maila marbahasa daerah. Maila ala didok "kampungan" dohot "kolot". Aha do haroa na menentuhon modern manang kampungan? Bahasa do manang pangalahonta?

"Maila mangulahon na denggan dang adong lapatanna"

Godang bahasa na boi hita parsiajari si ganup ari on. Mulai bahasa Indonesia, Inggris, Jerman, Mandarin, Perancis, dohot angka bahasa na asing. Alai sajago nijagona dang gabe lupahonon bahasa daerah na gabe parmulaanta mulai mangkatai tingki gelleng. Molo alasan maila do gabe sidalian. Berarti rampak mamparohahon ma hita, angka bahasa daerah tinggal mamente masa na be nama, paima mago. Bahasa daerah gabe holan sejarah nama. Songon angka binatang naung punah.

"Ale hamu sude, diingot hamu do sejarah ni halak batak?", ninna guru ma manungkun angka murid na.

"Diingot hami Pak, ima suku na mago bahasa daerah nai dokan?", nah malo do hape hamu sejerah ate.

Cungkup mai gabe sada ilustrasi tu hita. Rampak ta rimangrimangi ma di rohanta be.

Mauliate

Horas

Eme na masak digagat Ursa
Aha na masa dang ingkon diula
Denggan ma tadok bahasa daerah ta
Unang gabe magoan annon anakkonta

Tembalang, Semarang
22 Februari 2016 23:13 WIB
2016/02/22/6-17
Tulisan Kita

*Nunga diposting ulang di kekitaan.com

Kalau ada pertanyaan atau hal-hal yang mau didiskusikan silahkan memberikan komentar dibawah.
Terimakasih

Tentang Kita
Twitter : keKITAan_
Facebook : Tentang Kita
Instagram : kekitaan_
Youtube : Kita/
Website : kekitaan.com