Woi dah... Â biar tuak apo topi miring cs itu dari ethanol yang dimaksud untuk hand sanitizer, pembersih tangan kalo lah tedesak bae. Mun masih banyak banyu ngalir , ado sabun. Cuci tanganlah yang bener pake sabun. Dak uah sabun khusus nian, segalo sabun pacak asakke bener caro cuci tangannyo.
Banyak video petunjuknyo, jadi jangan biasokelah nyuci tangan cuma celup-celup apo ngobok-ngobok dak keruan.
Tebaco banyu jahe anget pacak jadi pencegah, masak jahe banyu ngelegak ditegok bae, lidah kebakar. Dikato buyan nak munuh.
Hoi dah... pakeklah nalar dikit.
Baco kumur-kumur banyu garem pacak cegah jugo sibuk jugo. Sebenernyo dak salah kalo biasoke bekumur banyu garem, tapi nyatoke itu pacak munuh virus yang belum masuk karno belum 4 ari lah kebablasan jugo.Â
Laju gek segalo gawe pencegahan diabaike bae.
Paling penting jago ketahahan badan kito, pastike asupan makan kito bergizi dan ngandung protein. Wong Pelmbang dak saro menuhi kebutuhan protein, makan pempek polagi buatan dewek lah pacak bantu asupan protein polagi sambal ngighup cuko yang padek. Dak usah pulo diminum, meski sifat asam katonyo pacak munuh virus dak beguno jugo nelen cuko sebotol. Asem lambung kito tuh lah lebih asem kalo nak munuh virus. Cuma taulah dewek virus nih dak nyerang pencernaan.
Keno korona idak laju gek tepeliwt lantak tukak lambung apo typhoid kumat dak tetolong.
Dak ketemu samo segalo vitamin, yo berejo makan sayur samo buah. Banyak buah local kito yang pacak dimanfaatke buat naikke ketahan badan kito ini. Jeruk, semangko, kates, jambu biji bae biso.
Waspada boleh, tapi berentilah buat cerudikan yang dak keruan-keruan. Ado smartphone di tangan, calaklah dikit, kalo males pinter.
Cek fakta tuh dak saro-saro nian. Kalo pun masih ragu berentilah di kamu dulu. Endepke dulu, dak usah cak Fomo itu, mati ketakutan dak yang paling tahu dewek.