PITUAH BASABA
Merupakan sebuah pidato adat yang berada di wilayah minangkabau tepat nya di Nagari Panyakalan Kabupaten Solok,Sumatera Barat.
Adapun contoh Pituah nya sebagai berikut:
1.Hari sahari di parampek
Hari samalam di paduo
Kami ambiek rundiang jo mufakek
Basaba Datuek samintaro,komahnyo datuek
2.Taganang ayie dalam tabek
Parandam urek padi mudo
Kami ambiek rundiang jo mufakek
Saba mananti datuek sakutiko
3.Tanjuang saba jo muaro bodi
Singgah ka pasa pulau punjuang
Sanang basaba datuek mananti
Nak kami tariek paiyo patidoan
Dek kami baduo batigo nan bak di ujuang
4.Badia sitengga nak rang jati
Panembak ondan di tapian
Ma kok sifat datuek mananti
Tibo diambo sifat mampaiyokan
Basaba datuek samantaro nak ambo
Tariek paiyoan dek kami nan bak diujuang
5.Ibarek urang babuai,diam di tali nan bagantuang
Di oyak jo batang tubuah,badan nan pulang-pulang pai
Sajuek tibo dingin taraso,sumangek nan ilang-ilang timbue
Samintaro tubueh basalimuk,malakik badan basumangek
Kato dilatak dalam barih,bana disimpan di limbago
Mananti datuek sakutiko,komahnyo Datuek
6.Jikok balayie banahkodo
Jikok bajalan banan tuo
Saba datuek samintaro
Ambo elo kato jo baiyo
7.Dek bukik tumpuan kabuk,dek lurah tumpuan ayie
Ka padang barantang tali,ka rimbo bakarek rotan
Di sungai jalo bamain
Tabiang di tingkek dengan janji,rimbo di olah jo mufakat
Taga dek duduek dalam rapek
Limbago basidang dalam adek
Baa nan sawajah kini nangko
Rantak nak nyo sadaram,lenggang naknyo saayun
Suto jo turak naknyo salasai,nak samo nayiek kaantakannyo
Kato dilatak dalam barih bana disimpan di limbago
Rundiang di bao jo baiyo,mananti datuek sakutiko
8.Bak ibarek buruang pipik,babondoang ilie jo mudiek
Talayok kiri jo kanan,panek maninggi nyo marandah
Pueh malayok nyo malayang,hinggo di padang ribu-ribu
Satibonyo di sinan,gilo mamakan buah rumpuk
Litak lapeh awih taraso ,di minum ambun nan satitiek
Sajuek anggota katujuehnyo,sabek lah sudah minum jo makan
Malakik kaki basitumpu,manjalang sayok kadikirai manuju
Pinang nan sabatang pulang kaasa mulo tabang,kato dilatak dalam barih,
Bana disimpan dalam limbago,mananti datuek sakutiko
9.Nan gadang kato baiyo,nan batuah kato mufakek
Basaba datuek samintaro,nak ambo tariek paiyo patidoan
Dek kami nan tanamo silang nan bapangka karajo nan bajunjuang.
Dek kami baduo batigo nan bak di ujuang.
10.Duduek surang basampik-sampik,duduek basamo balapang-lapang
Dapek basamo di paiyokan,dapek surang di bulati.
Basaba datuek samintaro nak ambo ambiek rundiang jo baiyo
Dek datuek nan bak tuonyo nan bak disiko komah nyo datuek.
Terimakasih Semoga membantu
