Sore nu turun dipapag widadari. Ngaliwatan katumbiri. Lir ceurikna Dewi Gandari mangsa rengse perang tanding. Ngungun dina pigura waktu. Hateup langit tembong rarangkay
Galengan rambisak keneh. Pulas pias balas lidig. Saparo ruhruy dieunteupan gaang. Nyurung sarigsig pager awi. Kenteng panyaweran nyesa cihujan. Anjeun anteng ngajanteng nganti muragna
”manik-manik kintunan para Dewa”, ceuk anjeun. Nyatet rongkahna Kurusetra. Ngungun dina pigura waktu
2010