Dengan nafas tersengal-sengal dan bibir sedikit berdarah, Dulah menghampiri Ipung, rekan satu profesinya, yang sedang menyeruput kopi pagi itu.
"Aduh, gile bener! Bibir gue jontor nih Pung!"
"Emang kenape lu? Jatoh?" Tanya Ipung penasaran.
"Digampar pak Haji gue! Ketangkep basah di masjid tadi! Pak Haji nongol keluar mesjid, pas gue lagi mao nyolong sendal!"
"Hah?" Aduan itu membuat Ipung kaget dan hampir tersedak kopi yang sedang dihirupnya.
"Ngeliat gue beraksi, Pak Haji langsung ngebentak! Ngapain lu pagi-pagi buta di sini?"
"Terus elu jawab ape?" Ipung masih penasaran.
" Gue terpaksa bohong ame pak Haji. Gue bilang aje mau sholat subuh! Jelek-jelek gini, gue pernah sekole ngaji dulu, macem-macem sholat udeh di luar kepale!"
"Pinter emang lu, Dul!" Seru Ipung sambil mengacungkan jempolnya.
"Tapinye, pak Haji justru tambah curige, gue malahan ditanye-tanye lagi ame die"
"Ditanye apaan?" Ipung kian penasaran.
"Pak Haji bilang, kalo elu emang bener-bener mao sholat subuh, coba lu bilang ke gue, sholat subuh ntu ade berape rakaat?"
