Malam ini malam paskah
Diamana IKLAS deng GSK baku dapa, baku sapa, baku cari nama, asal jang cari muka sah
Beta, sebagai anak seira
Datang badiri di muka Deng rasa bangga.
Tapi, di sini Beta mau bilang
Malam ini Beta terluka
Dan seng tau kanapa.
Beta terluka, terluka Deng dong pung cara-cara yang bisa banyak bicara di depan banyak acara.
Deng mungkin dong kasi tunju dong pung gaya-gaya.
Mar mungkin kerja sindir ada kapa. Coba kerja Deng nyata
Bicara soal paskah
Pasti sedih
Ada rasa susah dan bahkan ada duka di setiap Ale Deng Beta pung hidop.
Pasti Ale tau kanapa
Karna dia yang di atas su berkorban untuk kasi nyawa for tebus Beta Deng Ale dong pung dosa-dosa.
Dia mati di kayu salib par Beta Deng Ale.
Tetemanis kasi nyawa
Cuman for tutup Ale Deng Beta pung dosa-dosa
 Yang dolo ada biking  salah, biking susah bahkan biking duka par orang laeng
Tapi hari ini
Samu sedih luka dan duka dalam hati
Semua jadi baru
Semua di tebus Deng dia pung darah yang paling suci
Jadi tolong jaga hati, dan kata
Pesan dari for Ale dong Masi bisa hidop sampe sakarang
Tetap setia
Jaga mata
Jaga hati
Asal jang jaga orang pung jodoh sah.
Katja Ale pung keselamatan dari sekarang, karena itu sangat berguna for Ale pung masa depan
Ingatang!!
Jang biking antua pung hati luka
Haru jaga
Biar di Ale Deng Beta pung hidop
Jang ada luka Deng duka di hati.
God Bless You All
Jalan Panjang
3 April 2021
Stenly Samangun
