"Meser karbit 3 kg." saur ceu Hasanah nu gendut bayuhyuh (lain ngaran sabenerna), bari imut ngagelenyu. Salakina Tukang Las Karbit di Pager Ageung. Dua tilu poe sakali manehna meuli karbit. Manehna geus jadi langganan toko sim kuring mang taun-taun. Dina hiji poe manehna, pleng les teu balanja aya sabulan leuwih. Tadi beurang pas toko keur sepi aya sora "meser karbit 3 kg" atuh gebeg kana hate ieu sora nu geus apal kacida. Bareng kuring ngalieuk, aya hiji awewe satengah tuwuh keur imut, awakna ruksak, jangkung begung, kulit leungeun ngagulambir. Kuring olohok sajongjonan, tuluy ngomong ieu teh ceu Hasanah, gering naon? " Gering hate, awak turun 20 kg, si akang gaduh nu ngora, tatangga hareupeun imah." Bari imut nu pait. mata jiga aya kacaan. berele manehana nyaritakaeun lalakon sangsara, teu bisa sare, teu hayang dahar, teu hayang hirup.
Saprakna ti harita manehna ngaleungit tara ka toko balanja. Kabejakan miceun maneh, di gawe ka Arab.
...... Nyeri, nyeri teuing moal beunang diubaran
kajeun tutumpuran, paeh oge teu panasaran............
Aya nu hayang turun 20 kg sabulan?
Efendi 180421
