Mohon tunggu...
Fauzan Fajari
Fauzan Fajari Mohon Tunggu... Lainnya - Biasa Dipanggil Uzan, Ojan, Zan, dan Fauzan

Seorang Pemuda Gemar Membaca, Nonton Film dan Jalan-Jalan. Pengen Jadi Penulis, Sutradara dan Pengusaha.

Selanjutnya

Tutup

Humor

Cerita Bahasa Minang: Ota di Kadai Kopi

11 Juni 2021   13:51 Diperbarui: 11 Juni 2021   14:27 140 1 0 Mohon Tunggu...
Lihat foto
Cerita Bahasa Minang: Ota di Kadai Kopi
(Ilustrasi oleh Fauzan Fajari, dari adegan film 3 Idiot/dokpri)

Jadi, pado wakatu nantu, denai basamo adiak sepupu sarato mamak nan mudo lagi ongok sadang duduak di kadai kopi subalah pertamina. Conde biaso, kalau ka duduak teh kopi atau susu la dipasan tando bataratik, atau kalau dak ado bapitih bali oti sabuah se jadi. Dek karano denai suko kopi, mako kopi nan bapasan, baitu jo adiak sapupu jo mamak nan mudo, kopi juo.

La disudu kopi, okok dipatiak, nan namo e hape lansuang mancogok dari saku. Si mamak nan mudo mambukak pamainan online namonyo mobail lejen, nan adiak sapupu mambukak wea mangirim pasan ka ughang nan nyo sayangnyo, nan ambo asik mambaco apo sajo.

Dek la suntuak mambaco, nan mamak kalah main mobail lejen sarato adiak sapupu nan ndak dibaleh pasannyo, mako kami batigo duduak mangano conde urang ilang pangana. Dibukak pamaianan, aso suntuak ala manjadi, dibae okok baliak nan karungkuangan la padia, disudu lo kopi nan mato la manjalang, mako dibukak la ota lai.

Dek nan baduo ko masih mudo, alun tau bana mamulai ota, sarato dek agak sagan juo samo denai karano denai nan paliang tuo mako bainisiatif la denai bacurito. Den bukak la jo kato, "Oi, lai ingek jo lai wakatu tu?" Kato den ka mamak nan mudo jo adiak sapupu.

Mancogok la kapalo mamak nan mudo jo adiak sapupu, nan sabalumnyo manakua mancaliak hape, nan kini la tagak, nan hape baanokkan sajo lai. Dibaleh la samo nan baduo tu, "ingek apo?" Kecek mamak nan mudo, "apo tu, bang?" Kecek adiak sapupu lo.

"Ado ma, kejadiannyo la lamo. Maso dulu. Maso hape masih tulalit, kamera kabua dikiro la rancak, speker hape sagadang anta. Maso tu wak masih jadi anak ps jo warnet." Kato den mamulai pambukaan.

"Oo iyo, iyo iyo. Iyo tau den ma..lai ingek den. La lamo jo tu." Kato mamak nan mudo. Samantaro adiak sapupu hanyo maanguak-angguak mode kudo bendi.

Den lanjuik an carito, "Patang hari tu, awak batigo pai ka pasa, ka umah mamak nan mudo. Ka lapau nasi sederhana, urang la ka tutuik jadi la mulai langang, ati jo langkah la manggaretek, jarak ka muko sampai ka dalam dakek saraso jauah seketek, dek denai nan paliang tuo, mako denai nan mambukak langkah, dibalakang waang oi adiak sapupu, dibalakangnyo ciek lai oi ang mamak mudo. Saingek den, mamak mudo mamacik sabuah kapeh babetadin nan batakankan ka muko pipi. Bibia mamak nan taruih manganggo kini la mancibie, mato sirah sarato bangkak, ondeh la bantuak karo kailangan induak."

"Ondeh kanciang diwaang. Carito itu nan waang ulang." Kato mamak mudo nan la mulai malu muko sirah. Diambiaknyo okok surya nan sabatang, dipatiaknyo catui diisoknyo lai.

Samantaro tu, nan adiak sapupu la takakah galak gadang. Ndak ka tahan mancaliak galaknyo. "Lanjuik bang."

HALAMAN :
  1. 1
  2. 2
  3. 3
Beri Komentar
Berkomentarlah secara bijaksana dan bertanggung jawab. Komentar sepenuhnya menjadi tanggung jawab komentator seperti diatur dalam UU ITE

Belum ada komentar. Jadilah yang pertama untuk memberikan komentar!
VIDEO PILIHAN
KONTEN MENARIK LAINNYA
x