Serangan Corona, Pedagang Demo Njaluk Kompensasi Kapasan Ditutup Pemkot

Pandemi virus corona mulai 'nyerang' area pasar kapasan.

Baru-baru iki petuga nang Pasar Kapasan onok sing positif corona.

Akibat e, ditutup selama 14 hari. 

Halo dulur, ketemu maneh karo Cak Boyo. Crito iki pas Cak Boyo lagi mlaku-mlaku nang daerah Kapasan. Sopo sing tahu nang Pasar Kapasan? Ayo ngacung! Wes saiki wocoen pengalaman Cak Boyo pas nang Pasar Kapasan.

Pas Cak Boyo mlaku-mlaku nang daerah Pasar Kapasan dua hari setelah penutupan. Penutupan dilakukan Pemkot Surabaya soale ditemukno petugas positif kenek virus corona, dan di lacak 2 minggu sebelum e, kegiatan e keliling pasar kapasan nyambangi stand- stand dodolan e, Mangkane waktu mlaku-mlaku nang daerah Kapasan Cak Boyo gawe masker dan sangu hand sanitizer, poko e sesuai opo sing dikongkon pemerintah.

dokpri

Nah, pas lewat nang ngarepe pintu masuk Pasar Kapasan akeh ibu-ibu sing podo kumpul. Gak mek kumpul-kumpul tok, ibu-ibu iku yo bengok-bengok ben Pasar Kapasan tetep isok dibuka. Lek gak dibuka ibu-ibu sing ternyata para pedagang nang Pasar Kapasan, jaluk kompensasi nang Pemerintah Kota Surabaya.

dokpri

"Iki ditutup masak gak onok kompensasine?" teriak puluhan pedagang yang berada di depan pintu masuk Pasar Kapasan.

Yups, Pasar Kapasan ancene ditutup ambek Pemkot Surabaya selama 14 hari terhitung mulai tanggal 4 April 2020 sampai 17 April 2020. Alasane, onok uwong sing biasane wira-wiri nang Pasar Kapasan positif corona. Karena ditututup pedagang akeh sing gak isok dodolan.

Ibu-ibu pedagang iku ngomong lek Pemkot Surabaya terlalu ndadak untuk sosialisasi penutupan Pasar Kapasan. Terus penutupan iki jelas merugikan pedagang sing gak oleh pemasukann blas. Opo maneh pedagang sing nang Pasar Kapasan iku lek dodolan mesti grosir, dadi angel lek dodolan e dialihkan ke online.

dokpri

"Ayo buka pasar e, lek gak dodolan isok rugi," ujar pedagang kompak.

Penutupan iki gak mek merugikan pedagang secara materi, tapi juga nyusahno pedagang karena barang-barange sing digawe dodolan jek nang jero pasar. Dadi lek atene jupuk barange pedagang kudu izin ambe pengelola pasar. Terus baru oleh mlebu lek gawe masker ambe mari disemprot disinfektan. Lek gak izin lan durung disemprot, pedagang durung oleh mlebu pasar.

Siji mobil penyemprot mulai nyemprot area jero pasar, kurang lebih sejam ndek njerone Pasar Kapasan wes disemprot kabeh. Pedagang pun mulai antre gawe mlebu Pasar Kapasan gawe jupuk barang dodolan. Pedagang sing gawe masker lan gawe sarung tangan serta wes didata isok mlebu jupuk barang e sing nang jero.

dokpri

Penutupan pasar sing di terapno nang Pasar Kapasan yo diterapno nang PGS (Pasar Grosir Suroboyo). Nah, kabare PGS iki ditutup soal e onok papat uwong sing positif corona. Papat uwong kuwi adalah sing duwe toko nang PGS. PGS bakalan ditutup mulai tanggal 4 April sampai 2 minggu kemudian.

Mulai Sabtu (18/4) Pemkot Surabaya mulai buka maneh Pasar Kapasan, sedangkan PGS bakalan dibuka Minggu (19/4). Pemkot Surabaya dewe bakalan mengevaluasi penerapan protokol COVID-19 nang area pasar. Evaluasi iku diadakno selama seminggu mulai Sabtu (18/4) sampai seminggu kemudian. Masio wes dibuka, pedagang lan pembeli jek kudu gawe masker sampai gawe sarung tangan. Delok Pasar Kapasan dibuka, pedagang dadi sumringah. Beberapa pedagang ketok seliweran noto barang-barang sing atene didol.

dokpri

"Senang, bisa berjualan lagi," jarene seorang pedagang, H. Afandi.

Menurut Afandi pedagang ora onok masalah lek kudu nerapno protokol kesehatan seperti sing dikongkon pemerintah. "Teman-teman bersedia mengikuti protokol, ikut membantu melawan corona," jarene.

dokpri

Yup, saiki ancen Pasar Kapasan lan PGS wes dibuka. Pedagang wes ra ngelu maneh mikir pemasukan karena gak isok dodolan. Pedagang wes isok mulai nglayani pembeli sing wes dadi langganan. Tapi sing perlu diwanti-wanti pedagang lan pembeli kudu nerapno protokol kesehatan pas nang Kapasan dan PGS.

Cak Bajol yo wanti-wanti kabeh warga Surabaya kudu gawe masker lan gowo hand sanitizer lek metu omah, terutama lek tuku nang Pasar Kapasan opo lek lungo nang PGS. Ojok lali sering-sering cuci tangan yo rek. Semoga pandemi iki ndang mari yo rek. Amiin.....