aku njajal nulis nganggo boso Jowo, tapi aku gak eruh iki boso Jowo endi soale boso Jowo iku akeh maceme, hampir setiap Kabupaten/Kota Bedo, buktine pas Audisi Duta Wisata jenenge macem-macem, nek ne Tuban jenenge Cung Nduk nek Kabupaten Bojonegoro jenenge Kang Ning (nek gak salah) terus akeh maneh jeneng-jeneng sing artine sebenere podo tapi bedo penyebutan. Iku lah Boso Jowo
iki na kene aku mbahas soal budoyo utowo adat ne Deso Kapu Kecamatan Merakurak Kabupaten Tuban Jawa Timur, jenenge acara "MANGANAN", manganan iku mungkin sejarahe mirip sedekah bumi tapi diislamisasi karo ulama' setempat. Dadi saiki budoyo iki malah dadi budoyone Santri (Murid-Murid Pesantren).
Acara manganan iki digelar setahun pisan nek gak salah ulan rejeb (Rajab), tapi bedo-bedo tanggale, ne Kapu enek loro nggon manganan yoiku ne Makam Gede Kapu terus ne Randu Murgung. Acara iki nek jarene ulama deso kanggone ndungakno kang wes mati makane nggone ne Kuburan terus kanggo ngeraketno tali silaturahim gawe warga Deso.
Acara manganan iki diawali karo Persiapan yoiku persiapan pengeras suara, terus panggone pengajian, umume dilakoni bocah-bocah mejid (Masjid) opo langgar (musholla) sing biasa disebut santri . santri iki gotong royong mersipano acara iki ben lancar, memang acara iki sederhana tapi penuh makna.
Acara iki diwiwiti Kataman Alquran semalam suntuk, kabeh wong Deso gak cuma santri gantian ngaji ne Kono sampek katam Qur'an sewengi. Terus poro ibu-obu nyipane panganan kanggo santri karo warga sing kataman iku, dadie ne kono uakeh panganan, kanggo njamin santri-santri sing podo kataman mau, bar Kataman biasae pas Shubuh Kataman iki mari, bari iku diterusne persiapan acara inti, oiyo biasae acara inti iki dinone senen. Persiapan wes mari terus warga Deso podo ngumpul terus ulama deso iku mimpin Dungo (Islam) sing isine ngdungakne poro syuhada' perang kemerdekaan, poro wong Muslim sing mati terus dungo keselamatan kanggo deso lan wargane.
Mari acara ndungo, diterusno karo mangan bareng sak deso, dadi panganan iku gak dienggo sesaji yo ogak dilarung tapi dibagi-bagi ne peserta iku terus dipangan bareng-bareng, suasana kekeluargaan sing raket gak onok jarak antara pejabat deso karo wargane kabeh ngelebur dadi siji mangan nganggo piring godong gedang tanpo mejo tanpo Kursi kabeh leseshan.
cukup sakmene disik
