Mohon tunggu...
Anes Yosefania
Anes Yosefania Mohon Tunggu... Mahasiswi sastra Indonesia di Universitas Andalas,Padang.

😁

Selanjutnya

Tutup

Sosbud

Pidato Makan Pisang Manih Adat Minangkabau

4 Maret 2021   10:08 Diperbarui: 4 Maret 2021   10:28 124 2 0 Mohon Tunggu...

Pidato Makan Pendek dalam Pisang Manih.


Makan pisang manih adalah salah satu adat di minangkabau khususnya di nagari panyakalan,kabupaten solok.Makan pisang manih biasanya diadakan di acara pernikahan.


Adapun sebelum mulai makan biasanya para datuak atau penghulu akan memberikan beberapa pidato salah satu nya adalah sebagai berikut :


Pangka : Baliau datuek,Ma nan ka dipulangkan juo kapado datuek.. Sungguahpun datuek dek kato lah rapek sagalo datuek bayiek tuan sagalo alim,urang nan ado hadir disiko,kasaisi rumah nanko,ka tampek ambo maantakan sambah,sunggueh pun baitu iyo ka datuek juo tibonyo pasambahan ambo komahnyo datuek.


Ujuang : Kapado kito nan bak basamo komahnyo datuek


Pangka : Manolah nan kaambo pasambahkan kapado datuek,sakiro kiro mangatokan kato hati kato bana nan bakatokan,ka basingkok daun ka batariak buah sajo komah datuek,sabarih dari hidangan nan bak talatak bayiek di haribaan sagalo datuak kito,bayiek di haribaan sagalo guru kito,bayiek diharibaan mudo nan bakakak rapek nan bakapalo sarato cadiak tau pandai.Kan lah mamulangkan sampai pulo si rajo janang ka bakeh badan diri ambo dari ateh tatinggan nyo,dari ujuang tarueh ka pangka,dari pangka lalu katangah,dari tangah lalu ka tapi.lah mariak mahalun guntuang sampai ka bandua mahilantang dek katonyo alah agak ukue sampai,sungguah pun baitu jikok ado khilaf nan jo gawa,antah talompek antah talampau,antah nan tidak tantang barihnyo,antah nan tidak tantang biteh nyo,cubo molah engongkan ka suok jo ka kida sarato mampaiyokan kok kurang nak buliah kami tukuek kok sentiang nan buliah kami bilai samantaro janang lai tagak.sakian sambah titah berpuhun kapado datuek.


 Ujuang : jikok sapanjang panitahan datuak tadi iyo pulo tumahnyo datuek,taganang ayie dalam tabek,parandam urek padi mudo,kami ambiek rundiang jo mufakek basaba datuek samintaro komahnyo datuek.


Pangka : Basaba molah datuek.


Ujuang : Baliau datuek.......jikok sapanjang panitahan datuak sutan....tadi diambo panjang nan indak katakarek,singkek nan indak kataulehindak kataulang bak mambajak,indak katabaliak bakmamanggang ,hanyo pendek sajo nan kabairannyo dek ambo komah datuek.manolah kapendeknyo iyolah sakiro kiro mangumbalikan pangka kato datuek tadi,manolah nan manjadi pangka kato datuek tadi,kan lah mamulangkan sampai pulo si rajo janang ka bakeh badan diri ambo dari ateh tatingannyo,dari ujuang tarueh ka pangka,dari pangka tarueh katangah,dari tangah lalu katapi.lah mariak mahalun guntuang sampai ka bandue maha lintang dek katonyo alah agak ukua sampai,sungguahpun baitu,jikok ado khilaf nan jo gawa,antah talompek,antah talampau,antah nan tidak tantang barihnyo,antah nan tidak tantang bitehnyo,cubo engongkan dek datuak kasuok ka kida sarato mampaiyokan.kok kurang buliah nak kami tukuek kok sentiang nak bulieh kami bilai samintaro janang lai tagak.Kan baitu bana nan manjadi pangka kato datuek tadi.


Pangka : Bana tumah Datuek


Ujuang : Kan lah ambo tariek paiyoan dek kami nan baduo batigo nan bak di ujuang,manolah pituah dari baliau,pandang jauah lah balayangkan,pandang dakek lah batukiekkan,pandang rusuek lah bagendengkan,lah habih lekok jo liku,lah dibujue dilintangi,mangkuek jo teko lah habih bak puti manyambah,cawan jo pinggan lah ereng gendengan,jikok dipandang alah elok rupo,lah elok atoknyo nan bak bilang,lah elok ririknyo nan bak karangan,sungguahpun baitu iyo alum juo tantu kurang nan ka di tukuek senteang nan ka dibilai komahnyo datuek.

HALAMAN :
  1. 1
  2. 2
VIDEO PILIHAN
KONTEN MENARIK LAINNYA
x