Oleh, Wong Desa
***
Isuk - isuk lungguh dingklik sikil jigang thengak - thenguk. Ngrungokne musik suara gendang sirahe munthak - manthuk. Sinawang enak tur kepenak ngombe kopi sarapan gethuk. Sampek ora nggubris yen ning pawon wadone ngamuk - ngamuk.
Awan sithik kanthi bungah budhal menyang sawah. Kelingane iki mangsa panen wus tekan wayah. Rasa kesel patang wulan ganthi bungah. Kathon mblasah pari kuning pasuryan sumringah.
Jaman iki jarene jaman mutahir. Pancen nyata panen gabah tanpa mikir.cukup duwe duwit akeh banjur ngongkon supir. Growen mangkat  menyang sawah manen pari nengah minggir.
Milu andil wong kang duwe gerobak sawah. Entuk asil ngangkat gabah tekan omah. Bisa kanggo nyicil ragate bocah sekolah. Turahane bisha kanggo budhal nyang Mekah.
Sak mesthine pak tani bungah panen wus rampung. Ning nyatane ijih susah pikirane bingung. Gabah mandhuk - mandhuk durung bisa kepepe kaya gunung. Kerana awan saben dina udan mendhung.
Sinambi nganteni gabah garing mangkat metu golek pedagang. Sing dikarepake gabah larang bisa kena mbayar utang. Ning nyatane rego gabah mudun sak pirang - pirang. Rasa getun ati bungah dadi ilang.
 Ngono kuwi rasane dadi wong tani. Wiwit biyen mula nggarap sawah tansah rugi. Muga - muga pamerintah bisa mangerteni. Yenta wong tani kepingin uripe mulya kelawan mukti.
***
Koirul Anam
Serutim Kobi  120219
